Pasientta ja oapmahačča doarjja

 

Buohccádettiin ja buohcceviessodivššus pasienta ja su lagasat deivet máŋgii diliid, mat loktejit gažaldagaid, maidda lea doarjja ja rávvagat oažžumis buohcceviesus bargi spesiálačehpiin.

Buohcceviesus doaibmá juohke ossodagas ja poliklinihkas sosiálabargi.  Sii dorjot ja rávvejit earret eará iešguđetlágan nuppástus- ja kriisadiliin, doaibman- ja bargonávččaide gulavaš gažaldagain sihke sosiáladorvui, -bálvalusaide ja doarjjadoaimmaide gulavaš áššiin.

Buohcceviessopástor lea du geavahusas, go pasienta ja lagasat hálidit háleštit, dahje go sii doivot ahte rohkadallojuvvo, váldit rihpaid dahje oažžut oljjuin vuoiddadeami. Buohcceviessopástor doarju maiddái morraša deaivvadettiin ja go hálidat guođđit  earrodearvvuođaid váidnái.

Lappi guovddášbuohcceviesus doaibmá pasientaservošiid infosadji "Diehtogiisá", mas oažžu dieđu iežas buohččuvuođa/ dávdda ovdogohčimis ja veardásašdoarjagis, skuvlemiin, veajuhttimiin ja dáhpáhusain. Buohccedikšunbires doaibmá maiddái pasienta- ja oapmahašráđđi.

Dikšui dahje čuohpadussii boahtti pasienttas lea vejolašvuohta ijastallat buohcceviesu pasientahoteallas.  Hoteallas lea dál 13 báikki. Maiddái pasientta sáhtašeaddji / lagas sáhttá orrut hoteallas, jos báikkit leat friijan gažaldatvuloš áigge.